مرحبااااااااااااااا
يلا شوية استهبال من الملل
نبدا
س : - صخره وقعت من فوق عمارة ولوح الزجاج الي تحت ما انكسر ليه؟؟
ج : - لأن الصخرة ما وقعت على الزجاج.
س : - طيب دجاجه تعبر الشارع ماتت فجأة ليه؟؟
ج : - لأن الصخره وقعت عليها.
س : - ليه واحد حاطط جنبه كأس شاي وهو نايم ؟؟
ج : - لأن الشاي منبه.
س : - طيب ليه حاطط جنب كأس الشاي فنجان قهوة ؟؟
ج : - عشان اذا ما رن الشاي ترن القهوه.
س : - طيب ليه يحط كأس ماء فاضي وكأس ماء مليان؟؟
ج : - عشان يمكن يشرب ويمكن ما يشرب.
س : - واحد بحط سكر على الكرسي قبل لا يقعد , ليه ؟؟
ج : - عشان تكون القعدة حلوووة , زي قعدتكم ياحلوين.
س : - طيب شي اسود طاير بالسما وبقوول مياووووو ، ايش هو؟
ج : - غراب بستهبل. ههههههههههه.
س : - طيب شي ازرق طاير بالسما , ايش هو؟؟
ج : - ذبانة لابسه جينز .
س : - طيب شي اسود وفيه خط أحمر وطاير في السما من الشرق الى الغرب، ايش هو؟؟
ج : - ذبانة لابسة فستان وحاطة أحمر شفايف ، ورايحة على عرس وحدة من صديقاتها .
س : - طيب شي اسود وفيه خط أحمر وطاير بالسما من الغرب الى الشرق , ايش هو؟؟
ج : - نفس الذبانه نسيت حاجه في البيت وراحت تجيبها .
س : - طيب ليه القطار يوقف بالمحطة ؟؟
ج : - لأنه ما يعرف يقعد.
س : - طيب ليه يمشي مرررة ثانيه ؟؟
ج : - لأنه طفش من الوقفة.
س : - طيب بيضة طاحت من الطياره وما انكسرت ليه ؟؟
ج : - ربك سترها
س : - طيب كيف نحط غزال في الثلاجه على ثلاث خطوات ؟؟
ج : - افتح الثلاجه... نحط الغزال... نقفل الثلاجه
س : - طيب كيف نحط الفيل على اربع خطوات؟؟
ج : - نفتح الثلاجه... نطلع الغزال... نحط الفيل... نقفل الثلاجه !!
س : - يقولك الفيل ما يسلم على النمله بيده.. ليه ؟؟
ج : - لأن النمله تضغط على يده وتوجعه
س : - طيب وليه النمله ما تنام جنب الفيل؟؟
ج : - لأن الشيطان شاطر
س : - ايش هو الشي الي يطفو على سطح الماء وأول حرف منَها ق ؟
ج : - قطعة خشبة
س : - طيب ايش هو الشي الي يطفو على سطح الماء وأول حرف منها ب ؟
ج : - برضو قطعة خشبة
س : - طيب ايش هي الحاجه الي تطفو على سطح الماء وأول حرف منها ن؟؟
ج : - نفس قطعة الخشبة
س : - أجل ايش هو الشي الي يطفو على سطح الماء وأول حرف منها هـ ؟
ج : - هي هي نفس قطعة الخشب
تحياتي للجميع
الأحد يونيو 24, 2007 10:07 pm
